Top

മലയാള സിനിമ ഇനി ജപ്പാന്‍കാര്‍ക്കും മനസ്സിലാകും!

Asianet News 1 year ago Special
മലയാള സിനിമ ഇനി ജപ്പാന്‍കാര്‍ക്കും മനസ്സിലാകും!

മലയാള സിനിമയ്‍ക്ക് ഇനി ജപ്പാനിലും മാര്‍ക്കറ്റ്. മലയാളികളായ നാലു സുഹൃത്തുക്കള്‍ ചേര്‍ന്നു തുടങ്ങിയ സെല്ലുലോയിഡ് ജപ്പാന്‍ എന്ന കമ്പനിയാണ് മലയാള സിനിമയെ ജപ്പാനീസ് പ്രേക്ഷകരിലേക്ക് എത്തിക്കുന്നത്. രാഗേഷ്, ഉദയരാജ്, അജു, ശ്രീകുമാര്‍ എന്നിവരാണ് മലയാള സിനിമയ്‍ക്ക് ജപ്പാനീസ് സബ്‍ടൈറ്റില്‍ ചേര്‍ക്കുന്നത്. ചാര്‍ളിയാണ് ആദ്യമായി ജപ്പാനീസ് ടൈറ്റിലൂടെ ഇറങ്ങിയ മലയാള ചിത്രം.



ജപ്പാനിലെ പ്രേക്ഷകര്‍ക്കായി മലയാളം സിനിമകള്‍ക്ക് ഇംഗ്ലീഷ് സബ്ടൈറ്റില്‍ നല്‍കിയായിരുന്നു സെല്ലുലോയിഡ് ജപ്പാന്‍ എന്ന കമ്പനിയുടെ തുടക്കം. ബാംഗ്ലൂര്‍ ഡേയ്‍സ്, ഉസ്‍താദ് ഹോട്ടല്‍, പ്രേമം, മഹേഷിന്റെ പ്രതികാരം തുടങ്ങിയ സിനിമകള്‍ക്കായിരുന്നു ഇംഗ്ലീഷ് സബ്ടൈറ്റില്‍ നല്‍കിയത്. ഇംഗ്ലീഷ് സബ്ടൈറ്റിലില്‍ എത്തിയ മലയാളം സിനിമകള്‍ക്ക് ജപ്പാനില്‍ വലിയ പ്രേക്ഷകരുണ്ടെന്ന് മനസ്സിലാക്കിയതോടെയാണ് കൂടുതല്‍ പേരിലേക്ക് എത്തിക്കാന്‍ ജപ്പാനീസ് സബ്ടൈറ്റില്‍ തന്നെ നല്‍കുകയെന്ന ആശയത്തിലേക്ക് എത്തിയതെന്നും നാല്‍വര്‍ സംഘം പറയുന്നു. ജപ്പാനിലെ ഡോസോ മൂവീസ് എന്ന കമ്പനിയുമായി കൈകോര്‍ത്താണ് ഇവര്‍ പുതിയ സംരഭം ആരംഭിച്ചത്. ചാര്‍ളിയായിരുന്നു ആദ്യം ജപ്പാന്‍ സബ്ടൈറ്റിലില്‍ പ്രദര്‍ശനത്തിനെത്തിയത്. ഇന്ത്യന്‍ സിനിമ എന്നാല്‍ വെറും പാട്ടും ഡാന്‍സും മാത്രമാണ് എന്നായിരുന്നു ജപ്പാന്‍ പ്രേക്ഷകരുടെ ധാരണയെന്നും മലയാള സിനിമകള്‍ കണ്ടതോടെ അതു മാറിയെന്നും ഇവര്‍ പറയുന്നു. മലയാള സിനിമയ്‍ക്കു വലിയ ഒരു വിപണി കണ്ടെത്തുകയാണ് തങ്ങളുടെ ലക്ഷ്യമെന്നും ഇവര്‍ പറയുന്നു.

Related News

Recent News

VIDEOS

Follow us on Google Plus

Follow us on Facebook and twitter

Subscribe our youtube channel

Get Latest News in your e-mail Inbox!